Platformê Rojnamegeranê Cinîyan ê Mezopotamya ard vîrî ke mîyanê hîrê rojan de 9 rojnamegerî ameyî destbendkerdene û ard ziwan: “Tirkîya dinya de welato ke tewr zêde rojnamegerî hepisxane de yê yo, labelê çapemenîya azade do bêveng nêba.”
PlatformêRojnamegeranê Cinîyan ê Mezopotamya, derheqê zextanê ke vera Ajansê Xeberan ê Etkînî (ETHA) de yenê kerdene eşkerayîyêka nuştekîye weşanaye.
Eşkerayîye de ame vatene, sereştişê ETHA de 7 kesî ameyî destbendkerdene ke înan 6 kesî rojnameger ê û ame vatene: “Hetê bînî ra polîsan 13ê Hezîrane de eşt serê buroyanê pabesteyê rojnameyê Ozgur Gelecekî yê Bûrsayî û 3 rojnamegerî destbend kerdî û dest na serê materyalanê buroyan.”
Eşkerayîye de ame vatene: “Tirkîya açarîyaya welatêko ke tewr zêde rojnamegî hepisxane de yê. Rojnamegerî êdî xo Tirkîya de asayîşî de nêvînenê. Rîyê bihanekerdişê xeberan ra înan rê cezayî yenê birnayene. Zaf rojnamegerî mecbûr mendî ke bextwaştiş bikerê. Rojnamegerê ke bîyê hedef, eynî wext de bîyî hedefê hêrişan. Mîyanê her şert û mercî de ma do çapemenîya azade reyde paştdayîşî xurt bikerê û ma hevalanê xo reyde yê. Rojnamegerîye suc nîya. Rojnamegerê ke ameyî destbendkerdene ganî cade bêrê veradayene.”AMED
