Înîsiyatîfa Malbatên Pirsûsê, bi boneya 33 ciwanên sosyalîst bi bîr bîne, xwest li pêş Navenda Çanda Amara ya Navçeya Pirsûsê ya Rihayê bernameya biranînê li dar bixe. Lê polîsan mudaxaleyî çalakiyê kir û destûr neda.
Di 20’ê tîrmeha 2015’an de 300 ciwanên endamên Federasyona Komeleyên Ciwanên Sosyalîst, (SGDF) bi banga ‘Me bi hevre Kobanê parast em ê bi hevre ava bikin’ ji çar aliyên Tirkiyeyê hatin li navçeya Pirsûs a Rihayê kom bûn û xwestin pêlîstokên ku ji bo Zarokên Kobanê re kom kirine, bigîhinin destê zarokan. Dema ciwanan di 20’ê tîrmeha 2015’an di saetên nîvro de li pêş Navenda Çandê ya Amara daxuyanî didan û xwestin biçin Kobanê, endamên DAIŞ’ê yên bombe li xwe pêçabûn, xwe di nava ciwanan de teqandibû. Di êrîşa DAIŞ’ê de 33 ciwanan jiyana xwe ji dest dabû û 104 ciwan birindar bûbûn. RIHA
