Li gorî nûçeya Ajansa Mezotomyayê (MA) 6’ê nîsanê polîsên tirk bi ser taxên Dîcle Dumlupinar û Haciyê Kurdan de girtin.
Polîsan saet 02:00’an bi ser taxan de girtin û heta 8:00’an dom kir. Ji aliyekî ve jî ji bo ku kolandinê bikin mekîneyên kar jî birin taxan.
Hate diyarkirin sê mal hatin sehkirin. Li taxa Dîcleyê nav mal, baxçe û koxa Ibrahîm Halîl Ercan bi mekîneyên kar hate kolandin.
Ev kirinên kêfî yên polîsên tirk li taxên Dumlupinar û Haciya Kurdan jî dubare bûn.
Hate diyarkirin polîsan îşkence li Îbrahîm Halîl Ercan û xwediyê malê kirin ku Ercan li mêvandariyê bû, dema ku Ercan birine taxa Dîcleyê dîsa îşkence lê hatiye kirin.
Hate gotin çavên Ercan hatine girêdan, polîsan lê dane û poşêt di serê wî re kirine.
Ercan diyar kir dema ku ew ne li malê bûye li mala wan dema lêgerînê li malikekê hin muhîmmat hatine dîtin û wiha got: “Gef li min xwarin, gotin tu yê van bigirî ser xwe yan na em ê te bikujin.”
Dema lêgerînê Ercan hate binçavkirin, birin Midûrtiya Emniyetê ya Bajêr a Amedê û dema binçavkirina wî hate dirêjkirin.
Ercan ji parêzerê xwe re got ku bi saetan îşkence lê hatiye kirin.
Her wiha parêzer jî diyar kir dema binçavkirinê de wêne hatiye girtin û ji wêne jî diyar e ku îşkence lê hatiye kirin. AMED
