Hemsereka DBPyî Salîha Aydenîz da zanayene ke polîsan wexto ke Hemşaredara Sûrî Fîlîze Buluttekîn destbend kerde çeke ante sereyê aye
Polîsan serê sibayî eşt Şaredarîya Sûrî ya Amedî, keyeyanê Hemşaredare Fîlîz Buluttekîn û endamê Meclîsê Şaredarîya Sûrî Yilmaz Ekenî ser û ê destbend kerdî.
Ame îfadekerdene polîsan wexto ke eşt keyeyê Buluttekîne ser û a destbend kerde, çeke ante sereyê aye. Na rewşe hetê Hemsereka Partîya Herêmê Demokratîkî (DBP) Salîha Aydenîz ra hesabê aye yê tewîtterî ser o ameye parekerdene.
Aydenîze vilakerişê xo de nê çîyî vatî: “Wexto ke Hemşaredara Sûrî #FilizBuluttekin ameye destbendkerdene erdî ser o ameye raqeldayene û sereyê aye ro çeke ameye antene. Şima nêeşkîyê weçînayîşan de ser bikewê. Şima wazenê ke qesasê xo yê vera şarî temsîlkaranê şarî ra bigêrê. Ganî şima ney baş bizanê ke şima do qet nêeşkê bêrê weçînayene û ê şaredarîyan bigêrê.” AMED