Ji bo piştgiriya bi çalakiya greva birçîbûnê ya li dijî tecrîda li ser Ocalan, komeke çalakvanan xwest li Kartal a Stenbolê çalakiyê pêk bînin. Polîsan êrîşî çalakvanan kir û 14 kes binçav kirin
Bi armanca balkişandina ser çalakiyên greva birçîbûnê yên ji bo rakirina tecrîda girankirî ya li ser Rêberê Gelê Kurd Abdullah Ocalan, li navçeya Kartal a Stenbolê bi beşdarbûna bi dehan kesan çalakiya rûniştinê hate lidarxistin.
Di çalakiyê de polîsên dewleta tirk êrîşî çalakvanan kir û çalakvan binçav kirin. Înîsyatîfa Piştevaniya bi Zindanan re jî nerazîbûn nîşanî êrîşê da. Înîsiyatîfê diyar kir ku li dijî tecrîdê dê êdî dengê xwe bilindtir bikin. Înîsiyatîfê destnîşan kir ku dê li hemberî zilmê serê xwe netewînin.
Navê kesên hatin binçavkirin wiha ne: “Dîlber Demîr, Hunkar Karasûngûr, Vîldan Dogan, Erkan Tarîn, Makbûle Şeker, Mujdat Şeker, Îlhan Ayazdir, Nasrettîn Kavak, Denîz Ekîncî, Sîbel Demîrkûş, Hatîce Dogan, Bûrhan Gokyuzunde, Yetkîn Alkan û Nazmî Tumerdem.” STENBOL
