Polîsan mudaxaleyî girseya ji bo Ayten Beçet a ji bo şermezarkirina tecrîda li ser Ocalan dawî li jiyana xwe anî ya li ber Saziya Tipa Edlî ya Yenîbosnayê kom bûn, kir
Girtiya siyasî Ayten Beçet ji bo bidawîkirina tecrîda girankirî ya li ser Rêberê Gelê Kurd Abdullah Ocalan, li Girtîgeha Jinan a Gebzeyê çalakiya fedaî pêk anî û jiyana xwe ji dest da. Ji bo wergirtina cenazeyê Beçet, gelek welatî li ber Saziya Tipa Edlî ya Yenîbosnayê kom bûn. Lê polîsan êrîşî girseyê kir.
Li gorî agahiyan, di encama êrîşa polîsan de du kes hatin binçavkirin û girse jî li ber deriyê tipa edlî hate dûrxistin.
Tê payîn ku têkildarî mijarê di demên pêş de girseya li benda cenazeyê Beçet daxuyaniyê bide. STENBOL
