Kocaelî de polîsan eşt awanîya HDPyî ya merkez û qezayan ser û awanîyan de beyreqa tirkan daliqnayî. Operasyonanê qirkerdişê sîyasîyî de tewr tay 20 kesî ameyî tepiştene
Kocaelî de polîsan çarçewa operasyonê qirkerdişê sîyasîyî de serê sibayî merkez û qezayanê bajarî de eşt xeylî keyeyan ser. Hemsereka Partîya Demokratîke ya Şaran (HDP) ya Kocaelî Leyla Aygun, endama HDPyî Mehmet Yalçinkaya û Engun Guleser û hemserekê HDPyî yê qezayan zî tede tewr tay 20 kesî ameyî tepiştene.
Polîsan hesabdarê HDPyî yê Kocaelîyî Îrfan Demîrkaya keyeyê ey de tepiştî û dima o ardî bînaya HDPyî û uca de cigêrayîş kerdî. Cigêrayîşî de polîsan dest rona 4 kompîteran û hardîskêkî ser.
Dîmenê dagirkerîye!
Sereştişan de bînayî ameyî serûbinkerdene û bînayan de beyreqa tirkan ameye daliqnayene. Ame zanayene ke polîsan kesê ke tepiştî berdî bMudirîya Asayîşî ya Kocaelî.
Nameyê kesanê ke ameyî tepiştene wina yê: “Endamê Meclîsê HDPyî Mehmet Yalçinkaya û Engîn Guleser, Hemsereka HDPyî ya Kocaelîyî Leyla Aygun, Hesabdarê HDPyî yê Kocaelîyî Îrfan Demîrkaya, Hemserekê HDPyî yê Dîlovayî Andulkadîr Demîr, Hemserekê HDPyî yê Darica Kutbettîn Guneşsu, Hemsereka Verêne ya Çayirova Emîne Karaaslan û endamê HDPyî Ebubekîr Çobam, Osman Kurum, Avûkate Zekîre Dundar Aydin, Avûkat Yuksel Genç, Damla Bagci, Mekîye Aydin, Mehmet Karaaslan, Kudret Davutoglu, Hasrete Demîr.” KOCAELÎ
