Xoverdayîşê zîndanan û dayîkan dewam keno. Polîsan Gebze de hêrişê çalakîya keyeyanê hepsîyan kerd
Hemsereka KCDyî Leyla Guvene seba wedaritişê tecrîdkerdişê serê Rayberê PKKyî Abdullah Ocalanî 8ê Teşrîna Peyêne de Zindanê Amedî de dest bi grevê vêşanîye kerde û çalakyîya aye roja 192. de dewam kena. Badê Guvene 16ê Kanûne de hepsîyê sîyasî dest bi grevê vêşanîye kerdî û 1ê Adare de zî 7 hezar hepsîyê sîyasî dest bi grevê vêşanîye kerdî. 30ê Nîsane de çalakî hetê 15 hepsîyan ra açarîya rojeyê mergî û 10ê Gulane de 15 hepsîyê bînî dest bi rojeyê mergî kerdî. Nika 30 hepsî rojeyê mergî de yê.
Keyeyê hepsîyan reya 40. Waştî ke şorê vernîya Zîndanê Gebze û çalakîya roniştişî bivirazê. Parlementerê Patîya Demokratîke ya Şaran (HDP) Ayşe Surucu û Omer Farûk Gergerlîogluyî zî tewrê çalakîye bîyî. Polîsan zext bi keyeyan kerd. Keyeyan da zanayene ke ê do veng bidê xoverdayîşê domanan xo. GEBZE
