Polîsanê tirkan verê salona Konferansê Herêma Amedî yê Partîya Demokratîke ya Şaran (HDP) noqtaya kontrolî naye ro. Beşdaranê konferansî vera ney nêrazîbîyayîşê xo mojna, salone kerde veng û trafîkê rayîrê Statî qefilna.
Vervatoxa HDPyî Ebru Gunay, Vervatoxa Meclîsê Cinîyan Ayşe Acar Başaran, Hetkarê Hemserekanê Pêroyîyan Tayîp Temel zî tede bi seyan partîgîrî maruzê hêrişê polîsan mendî. Polîsan gaz eşt girseyî ser, endamê HDPyî Çekdar Budak destbend kerd.
Partîgîrî bi slogananê ‘Ma do pê xoverdayîşî ser bikewê’ kişta rayîrî de pawitişî rê dewam kenê. Partîgîrî wazenê ke noqtaya cigêrayîşî bêrê wedaritene. AMED
