Mayanê Şemeyî ke hewteyê 942. yê çalakîya xo de waşt Meydanê Galatasarayî de semedê persayîşê aqibetê merdimanê xo yê ke bi destê dewlete ameyî vînkerdene, eşkerayîye bidê raştê hêrişê polîsan ameyî
Mayê ke bi fotografanê merdimanê xo Meydanê Galatasarayî de ameyî têhet hetê polîsan ra gerîyayî binê ablûqa. Polîsan nêverda eşkerayîye bêro dayene û hêrişê mayan kerd û Hemsereka ÎHDyî ya Stenbolî Gulseren Yolerî zî tede 12 kesî destbend kerdî.
Mayê ke ameyî tepiştene fotografê vînîbîyayeyan dayî camanê wesayîtê desbendkerdişî ro û nîşanê serkewtişî kerd.
Nameyê kesanê ke ameyî destbendkerdene wina yê: Hanim Tosun, Hanîfe Yildiz, Alî Ocak, Besna Tosun, Mikaîl Kirbayir, Jîyan Tosun, Gulseren Yolerî, Faruk Eren, Îrfan Bîlgîn, Hasan Karakoç, Kenan Yildizerler, Zekine Turkerî. ANQARA
