Polîsan li Silopiyayê derbarê 2 ajokerên ku gotin ‘Dê her tişt xweştir bibe’ de dosyeyek amade kir û ji kooperatîfa ajokaran xwest ku sala bê kar nede her du ajokaran
Li navçeya Silopiya ya Şirnexê beriya demekê ajokerên serwîsên xwendekaran ên bi navê Y.O. û R.O. di hesabên xwe yên medya civakî de, dirûşma ‘Dê her tişt xweştir bibe’ yê namzetê CHP’ê yê Stenbolê Ekrem Îmamoglû ku ji aliyê Saziya Hilbjartinê ya Bilind (YSK) ve mazbataya wî jê hatibû standin, parve kirin.
Polîsan derbarê her du ajokaran de jî dosye amade kir. Polîs bi dosyeya ku amade kirine çûn kooperatîfa ku ajokar girêdayî wê ne û têkildarî mijarê bi rêveberiya kooperatîfê re hevdîtin kirin. Li gorî agahiyên ku hatin bidestxistin polîsan ji rêveberiya kooperatîfê xwestiye ku sala bê ji ber vê parvekirina wan kar nede her du ajokaran. ŞIRNEX
