Çalakiya dayikan a li Gebzeyê di roja 26’an de ye. Polîsên ku nikarin berxwedana dayikan bişkînin, dîsa êrîş kirin
Berxwedana dayikên girtiyan ên li ber Girtîgeha Gebze ya Kocaelî 26 roj in berdewam dike. Dayikên girtiyan bi armanca xwedî li berxwedana 7 hezar girtiyên li dijî tecrîdkirina Rêberê Gelê Kurd Abdullah Ocalan ketine greva birçîbûnê ya bêdem û bêdorveger li ber girtîgehê çalakiya nobetê digirin. Parlementera HDP’ê Meral Daniş Beştaş jî tevli çalakiya îro bû.
Çalakiya ku bi dehan dayik tevli bû, nîqaşa di navbera polîs û parlamenter Beştaş de derket. Polîsan xwes çalakiya dayikan asteng bike û Beştaş jî bi bîra polîsên AKP’ê ve xist ku ew nikarain çalakiyên demokratîk û mafê azadiya raman asteng bikin. Beştaş ji polîsan re wiha got:“Hûn li ser navê cemaweriyê kar dikin, ez nûnertiya 81 milyon welatiyên Tirkiyeyê me. Ne tenê yên ez hilbijartî, li welatekî demokratîk dewletek neçare ewlekariya ruhî ya gel, mafê jiyanê, azadiya raman û îfadeyê pêk bîne. Li gel me dayik hene. Girêdana dayikan a ji bo zarokên wan, israra wan a li ser vê mijarê tu dewlet nikare asteng bike.”
Di dema axaftina Beştaş didomiya de amîrê polîsan fermana dorpêkirinê da. Polîsên AKP’ê ku nikarîn berxwedana dayikan bişkînin, êrîş kirin û kesek binçavkirin. KOCAELÎ
