Cenazeyê Garîbe Gezer a li Girtîgeha Tîpa F a Kandirayê bi awayekî sîstematîk hat îşkencekirin û tecawizî wê hat kirin û duh danê nîvro bi awayekî guman jiyana xwe ji dest da, gihaşt Mêrdînê. Dihat payîn ku cenaze bi wesayîta Şaredariya Bajarê Mezin a Mêrdînê ya qeyûm tayinî wê hatiye kirin bihata birin lê polîsan pêşiya wesayîtê birîn. Polîsên ku wesayîta cenaze dan sekinandin, bi ajovan re axivîn. Piştî axaftinê wesayît cenaze hilnegirt û vegeriya. Polîsan ji malbatê re got bi derfetên xwe bibin.
Piştî vê wesayîteke taybet hat kirêkirin. Cenazeyê ji Stenbolê bi balafirê hat Balafirgeha Mêrdînê, ji hêla malbata Gezerê, xizmên wê, Hevseroka Giştî ya DBP’ê Salîha Aydenîz, parlamentera HDP’ê Dersîm Dag û rêvebirên HDP’î ve bi tilîliyan hat pêşwazîkirin.
Cenaze bi konveyekê ber bi navenda Kerboranê ve hat şandin. Dê cenazeyê Garîbe Gezerê li cem gora birayê wê Bîlal Gezerê di çalakiyên 6-8’ê Cotmehê yên Kobanê de jiyana xwe ji dest da, bê definkirin. MÊRDÎN
