Hemşaredarê Qersî Ayhan Bîlgeno ke tepişîya, hetê îqtîdarê AKP-MHPyî ra dest nîya wezîfeyê ey ser. Herinda hemşaredaran de Walîyê Qersî Turker Oksuz sey qeyûmî ame tayînkerdene. Rêxistina Partîya Demokratîke ya Şaran (HDP) ya Qersî waşt ke verê bînaya şaredarîye de eşkerayîyêke bida çapemenîye. Labelê polîsan destûr nêda girse ke derbazê verê bîna bibo.
Wekîlê HDPyî Dersim Dag û Habîp Eksîk zî tede girse bi hedefê hêrişê polîsan. Walîyê talankerî Oksuzî zî asayîşêko gird erşawit verê şaredarîye. Dekewtiş û vejîyayîşê şaredarîye ame qefilnayene. QERS
