Çalakîya roniştişî ya merdimê hepsîyan ke semedê bale antişê grevê vêşanîye û wedartişê tecrîdê serê Ocalanî dayî dest pêkerdene, roja 25. ya nobete de vernîya Zîndanê Gebze de reyna raştê hêrişê polîsan ameyî
Polîsanê Tirkî reyna hêrişê merdimanê hepsîyan ke vernîya Zîndanê Tîpa Myî yê Gebze de çalakîya roniştişî virazenê kerd. Dayîke ke 9ê Adare ra semedê baleantişê xoverdaoxanê ke semedê wedartişê tecrîdê serê Rayberê Şarê Kurdî Abdulah Ocalanî grevê vêşanîye de vernîya Zîndanê Tîpa Myî yê Gebze de nobete tepişenê ewro reyna ameyî têhet. Parlamenterê HDPyî Alî Kenanoglu û hunermendanê Merkezê Kulturê Mezopotamya (MKM) zî paştî da dayîkan. Polîsan hêrişê merdimanê tepişeyan kerd û bizor verê zîndanî ra fînayî dûrî. Dayîka xoverdayoxe Ozlem Soylere ya ke 139 rojî yo grevê vêşanîye de ya, Hatîce Soylere reaksîyon da polîsan û va ‘rixmê hêrişan ma do wayîr domananê xo bivejîyê.’ KOCAELÎ
