Endama Meclîsê Şaredarîya qezaya Serê Kanî ya Riha ya HDPyî Dîlan Ablaye tewrê maye, pî û di wayûbirayanê xo ameyî tepiştene
Endama Meclîsê Şaredarîya qezaya Serê Kanî ya Riha ya Partîya Demokratîke ya Şaran (HDP) Dîlan Ablaye tewrê maye, pî û di wayûbirayanê xo ameyî tepiştene.
Çarçeweya operasyonê qirkerdişê sîyasîyî de polîsan saetanê serê sibayî eşt serê keyeyê Ablaye. Sereştişo ke drone zî ameyî şuxulnayene de polîsan berê keyeyî şikit û keyeyê ci serûbin kerd. Sereştiş de Dîlan Ablaya pîya maya ci Sevîme, pîyê ci Mûhlîs, birayê ci Baran û waya ci ya ke 18 serran ra qij a ameyî tepiştene.
Polîsanê ke bi kepçeyi eşt keyeyî ser dêsê banê Ablaye rijna û baxçe de bi kendişî cigêrayîş kerd. Makîneyê karî bîyê sebebê raqilnayîşê daranê ke baxçe de yê. Hetê bînî ra bi hawayêkê hemwaxtî banê pîrikê Ablaye zî ame sereştene. Pirêkê Ablaye Zubeyîro ke 73 serrî yo hetê polîsan ra ame tepiştene. RIHA
