2019 de Amede polîs Hakan Avciyî pê wesayîtê zirxînî muhendîs Cîhan Can qetil kerdbi. Roniştişê dewaya vera polîs Avciyî Mehkemeya Cezaya Eslîye de ame kerdene. Kekê Canî û avûkatê ci Fuat Coşacak tewrê roniştişî bîyî la kiştox Hakan Avci tewrê roniştişî nêbi.
Dozgerî bale ante ser ke Dezgehê Tipê Edlîyî (ATK) raporê ‘se ra 100 qusir polîs Avci de yo’ dayo û waşt ke Avci bêro cezakerdene.
Heyetê mehkeme waşt ke Avciyî kiştişê Canî ra 3 serran ceza bigêro. Heyetî dima ceza vurnaye cezaya pereyî ya 21 hezar û 200 lîra. AMED
