Polîsanê ke bi wesayîtanê zirxinan awanîya HDPî yê Amedî girewtî binê ablûqa vizêr saetanê şanî de hemwelatijo bi nameyê Cîhan Can bi eciqnayîşî qetil kerdbi. Polîsê trafîkî ê ke şewa verêncayê hedîse de cigêrayîş kerdî, Canî bi qusûrin vînayî û û waştî ke belgeyê qusûrin bi keyeyê Canî bidî îmzekerdene
Amed de wesayîtêko zirxin ê polîsan yê ke 20ê teşrîna peyêna 2018î ranata banê Partîya Demokratîke ya Şaran (HDP) girewto binê ablûqa, Cîhan Cano ke 33 serrî yo û muhendîsê înşaatî yo bi eciqnayîş qetil kerd. Dimenê mobese yê ke kewtî destî de yeno vînayene ke Can xeylêk wewxt binê wesayîtî de maneno û rixmo ke polîsan û dîyo ke o binê wesayît de yo ê nêvendenê. Der û dorê ra hemwelatijî polîsan hîşar kenê û înan danê vindarnayene. Canî cayê qewîmîyayîşî de cuya xo vindî kerd. Can seba otopsî ame berdene Nêweşxaneyê Dewlete yê Selahattîn Eyyubî. Keye cenazeya Canî saet 01.00î de morg ra girewt û saetanê serê sibayî de Goristanê Yenîşehîrî de defin kerd. Seba Canî Şînxaneyê Hevedanijan de tezîye ameye ronayene û tezîye do 3 rojan dewam bikero.
Polîsê trafîkî ê ke şewa verêncayê hedîse de cigêrayîş kerdî, Canî bi qusûrin vînayî û û waştî ke belgeyê qusûrin bi keyeyê Canî bidî îmzekerdene. Labelê keye waştişê polîsan red kerd û belge îmze nêkerd. Badê ke keye waştişê polîsan red kerd, polîsan raşteyê cigêrayîşî ra şîyî. Derheqê hedîse de polîsêk ame tepiştene. Ame zanayene ke polîso de maeyo tepiştene so ewro sewqê mehkema bêro kerdene. AMED
