Nobeta malbata Şenyaşar a li ber Edliyeya Rihayê di roja 241’emîn de didome. Ji ber pirsgirêkên xwe yên tenduristiyê Emîne Şenyaşar destpêkê çû nexweşxaneyê û piştre bi seromê dest bi nobeta ku bi kurê xwe Ferît Şenyaşar re didomîne kir. Dema ku Emîne Şenyaşar nobeta xwe didomand polîsên hatin cihê nobedê rexmî seroma di milê wê de jî mudaxaleyî wê kirin.
Amîrê polîsan îdia kir ku serom ne ‘ji dil e’ û bi ser polîsan de qêriya û ev tişt ji wan re got: “Ez ê mudaxale bikim, bi zorê bibin nexweşxaneyê. Ev der edliye ye ne nexweşxane ye.” Li ser vê polîsan mudaxaleyî Şenyaşar kir û hewl dan wê bi ambûlansê bibin nexweşxaneyê. Emîne Şenyaşar bi vê gotinê bertek nîşanî polîsan da: “Min bibin girtîgehê.”
Emîne Şenyaşar çûyîna nexweşxaneyê red kir û bi armanca ku bi dozger re hevdîtinê bike ket avahiya edliyeyê. RIHA
