Endama Koma Haştîye ya 2. Aysel Dogane 11ê gulane de Almanya de dinyaya xo bedilnabî û cenazaya ci 14ê gulane de amebî ardene bi Dêrsimî. La polîsan hêrişê wesayîtê cenaza kerdbi û cenaza remnabî. Polîsan nêverdabi ke girse bikewo goristan û têna keyeyê Dogane rê destûr dabi.
Hêrişê polîsanê tirkan de roja şemeyî wekîl û rojnamegerî zî tede xeylêk kesî birîndar bîbî.
Dîya zanayene ke polîsî nika zî şînê Dogane asteng kenê. Ame parekerdene ke polîsan dormeyê keyeyê şehîde Dogane girewt, waşt kursîyanê keyeyê şînî wedarnê û merdimanê ke ameyê şînî rê vat: “Ma bi venê bermayîşî aciz benê.” DÊRSIM
