Di êrîşa hewayî ya Amerîkayê ya li Bexdayê de Fermandarê Hêza Qudusê ya Muhafizên Şoreşê ya Îranê Qasim Sileymanî hat kuştin.
Pentagonê ragihand ku di êrîşa li dijî balafirgeha navneteweyî ya Bexdayê de ku fermandarên Heşdî Şebî kirine armanc Fermadarê Hêza Qudusê ya Îranê û Fermandarê Heşdî Şebî Ebû Mehdî el Muhendis hatine kuştin.
Televîzyona Dewletê ya Îranê jî kuştina Qasim Sileymanî piştrast kir. Muhafizên Şoreşê ya Îranê jî bi daxuyaniyekê diyar kir ku sibeha înê di êrîşa helîkopterê de Qasim Sileymanî û Ebû Mehdî el Muhendis di hundirê wesayîtekê de hatine kuştin.
Wezareta Parastinê ya DYE’yê (Pentagon) jî daxuyaniyek da û diyar kir ku Qasim Sileymanî bi operasyoneke DYA’yê hatiye kuştin.
Amerîkayê ji êrîşên li ser sefaretxaneye li Bexdayê Îran berpirsyar girtibû. BEXDA
