Vejîya werte Zîndanê Tîpa Tyî yê Sêwregî bi bahaneyo ke ‘hemverê asayîşê sazîye de gefan waneno’ rojnameyê Yenî Yaşamî sansur kerdo
Vejîya werte ke Mudirîyetê Sazîya Ceza û Înfazî yê Tepişteyan ê Zîndanê Tîpa Tyî yê Sêwregî derheqê rojnameyê Yenî Yaşamî de qerarêko sosret dayo
Hûmarê bi tarîxê 11, 12, 13, 14 û 15ê adare yê rojnameyê Yenî Yaşamî yê ke derheqê tepişteyan Ahmet Ozturk, Şerîf Mesûtoglû, Gokhan Çîftçî, Abdurrahman Dagdelen, Mehmet Şîrîn Dûrdû û Vedat Oktayî de hayîyî dayî, bi bahaneyê ‘hemverê asayîşê sazîye de gefan wanenê’ hetê Serekîya Heyetê Perwerdeyî yê Zîndanî ra rojname nêdîyayo înan.
Zîndan herinda mehkema de qerar dano
Qerarê sansurî de, ke gama grevê vêşanîye yê hemverê tecrîdê Îmraliyî zîndanan de dewam kerdêne amebi girewtene, xeberê derheqê grevê vêşanîye sey mazeret ameyî ramotene.
Îdareyê zîndanî va ‘Nuşteyê ke yewî û pîyayîya dewlete kenê hedef û paştî danê xebatanê organîzasyonî tede estê’ û dewam de wina ser o zêde kerd: “Her çend mehkemeyan qedexe nêkerdo zî, tu weşano ke serê asayîşê sazîye de tehluke virazeno, seke heyetê perwerdeyî zî bewlî kerdo, do hetê sazîya ma ra nêro qebulkerdene.” STENBOL
