Rayberê Şarê Kurdî Abdullah Ocalan 21 serran ra nata Zîndanê Îmraliyî de yeno tepiştene. Seke yeno zanayene Abdullah Ocalanî rê pêvînayîşê avûkatan qasê 6 mengan amebi qedexekerdene. Hetê Serekîya Heyetê Çimdarî û Îdareyê Mudirîya Dezgehê Cezaya Înfazî ra bire ameye dayene ke Rayberê Şarê Kurdî rê pêvînayîşê bi telefonî zî bêro qedexekerdene. Bire 7ê êlule de û seba tepişteyanê bînan Veysî Aktaş, Hamîlî Yildirim û Omer Hayrî Konarî zî ameye girewtene.
15ê sibata 1999î ra dima reyba verêne Ocalanî û tepişteyanê bînan tewr peyên 27ê nîsane de birayê xo Mehmet Ocalanî reyde pê telefonî qisey kerd. Tepişteyanê bînan zî 2015î ra dima reya verêne pê telefonî keyeyanê xo reyde qisey kerdbi.
Mehkemeya Înfazî ya Bursa bi bahaneya cezaya hucreyî û ‘xerîtaya rayîrî’ ya Ocalanî ya ke Mehkemeya Heqanê Merdiman a Ewropa rê ameya teslîmkerdene, 23ê êlule de qedexeyê avûkatan pare kerdbi. STENBOL
