Çarçeweya tehqîqatê Serdozgerîya Komare ya Amedî de 21 bajaran de operasyon dîya dest pêkerdiş. Vizêr polîsanê merkezê ci Amed Mêrdîn, Sêrt, Çewlîg, Wan, Şirnex, Êlih, Dîlok, Riha, Bursa, Stenbol, Îzmîr, Mersîn, Mûş, Bedlîs, Colemêrg, Osmaniye, Sêwas, Meletî, Semsûr û Anqara de eşt xeylêk adresan ser. Netîceyê operasyonî de xeylê rojnameger, avûkat, sîyasetmedar û hunermendî ameyî destbendkerdiş û dest ronîya kitab û malzemeyê dîjîtalî yê kesê ke ameyî destbendkerdiş ser. Ame zanayene ke tarîxê tehqîqatî 2023yî yo û nîno zanayene ke kesê ke ameyî destbendkerdiş bi çi yenê sucdarkerdiş.

Muxabîra ma Berîtan Canozer, Edîtorê Ajansê Mezopotamya Abdurrahman Gok, muxabîrê MA Ahmet Kanbal, Mudirê Karanê Nuşteyan ê Yeni Yaşamî Osman Akin, Wayîrê Îmtîyazî yê Xwebûnî Kadrî Esen, rojnameger Mehmet Şah Oruç, Mehmet Yalçin û Mîkaîl Barut, Salîh Keleş, avûkat Mehmer Oner, Hemsereka OHDyî ya Amedî Halîse Dakali, Resul Temur,  Pîrozhan Karali,  Muhîtîn Muguç, Ozum Vurgun,  Bunyamîn Şeker, Firat Taşkin, Zozan Acar,  Buşra Eylul Ozgun Tekîn, Burhan Arta, Jîyan Sametoglu, Metîn Ozbadem, Gurbet Ozbey Oner, Adîle Salman, Şerzan Yelboga, Suleyman Şahîn, Gulîstan Ataş, Firat Yildiz, Serhat Hazer, Kenan Angay,  Şîrîn Şen, Bahar Oktay, Berdan Acun, Havva Bîldîk, Halîl Delen, Habat Mîmkara, Endama Komeleya Kultur Huner û Edebîyatî ya Cinîyan (KASED) Devrîm Demîr, kaybazê Tîyatroyê Bajarî yê Amedî Yavuz Akkuzu, Ozcan Ateş, Elvan Koçer Yildirim, Şahperî Alphan, Hetkara Hemsereka Pêroyî ya Partîya Herêmê Demokratîke (DBP) Salîha Aydenîz Sezen Mercan, Marîa Oztopuz, Suat Mustafa Şencî, Veysel Moray, Husamettîn Kiliç, Şehmus Karadag, Semîra Akkor, Farîs Turk, Tarik Zafer Yzgan, Nurettîn Bakan, Nasîp Gultekîn, Eşref Yaşa, Alattîn Zugurlî, Haydullah Zugurlî, Hemserekê Odeya Endezyarê Madenî (MMO) yê Amedî Dogan Hatun, endamê Komeleya 78an Rifat Ronî û Ganî Alkan, huqûqnas û kaybazî zî tede pêro pîya 126 kesî ameyî destbendkerdiş.

Destbendkerdişê vizêrî dozgerî ra dima qerarê qedexeyê pêvînayîşî yê 24 saetan yê avûkatan reyde da. Bado ke ewro qerarê 24 saetan peynî bî, avûkatan dest bi pêvînayîşê muwekîlanê xo kerd.

Avûkatan dîyar kerd ke nameyê 105 kesê ke ameyî destbendkerdiş dîyar bî. AMED