Şaristananê Îran û Kurdistanî de çalakîyê şermezarkerdişî yê vera qetilkerdişê Jîna Emînî vizêr roja çarine de pîlêr bîyî. Çalakîyan de heta nika tewr tay 5 kesî kişîyayî û 250 kesî tepişîyayî. Çalakîyî Tehran, Tebrîz, Arak û Isfahan de vila bîyî. Çalakîkeran vera hukmatî sloganî vatî, kerrayî eştî wesayîtanê polîsan, wesayîtî vêşnayî, rayîrî qefilnayî.
Çalakîyanê Meşhedî de û Sarî de vera rejîmê malayan cinîyan sloganî berz kerdî. Şaristanê Şîrazî yê Îranî de zî çalakîkeran bombayê gazî yê polîsan apey eştî înan.
Şaristanê Kirmaşanî yê Kurdistanî de polîsan guleyî eştî çalakîkeran ser. Pîranşar de şarî bendê polîsan vêşnayî û sloganê ‘Cinîye, Cuye, Azadîye’ berz kerd.
