Piştî Wezîrê Karên Hundir qeyûm tayînî Şaredariya Bajarê Mezin a Amedê kir, qeyûmê 84 karker ji kar avêt. Karkerên ji kar hatin avêtin, di serdema Hevşaredarê Bajarê Mezin ê Amedê yê HDP’î Selçuk Mizrakli de ketibûn kar. Ewil qeyûm Hasan Basrî Guzeloglu tayînî şaredariyê kirin û piştre Munîr Karaloglu tayîn kirin. Piştî Karaloglu hat ser kar, 84 karker ji kar dûr xistin. Karkeran diyar kirin ku qeyûm dê karkerên din li şûna wan bigirin kar û ji ber ji kar hatine avêtin dê serî li dadgehê bidin. AMED
