Qeyûmê ku tayînê Şaredariya Cizîrê hat kirin di sîteya înternetê ya nû kir de navê kurdî yê bajêr kir tirkî
Wezîrê Karê Hûndir di 29’ê cotmehê de qeyûm tayînî Şaredariya Cizîrê ya Şirnêxê kir. Piştî tayînkirina qeyûm sîteya înternetê ya fermî ya şaredariyê hat nûkirin. Qeyûm di sîteya nû ya înternetê de, li şûna “Şaredariya Cizîrê – Cizre Belediyesî” “Şaredariya Cizire” nivîsand. Qeyûm bi vî awayî li şûna tîpên ‘î’ û ‘ê’ yên bi kurdî, tîpên ‘i’ û ‘e’ yên tirkî guherandin. Endamên Meclisa HDP’ê yên Şaredariyê ev rewş piştras kirin.
Her wiha di hin nûçeyên ku sîteya înternetê cih digirin de, Qeymeqamê Navçeyê Davût Sînanoglû xwe weke ‘Serokê Şaredariya Cizîrê’ nivîsandiye û balkêş e ku bi vî awayî xwe weke serokê hatiye hilbijartin îlan kiriye. ŞIRNEX
