Şaredarîya Sûrî dewrê îdareyê Partîya Demokratîke ya Şaran (HDP) de bi bira Meclîsî nameyê rojnamegerê Ozgur Gundemî Hafiz Akdemîro ke 8ê hezîrana 1992î de kuçeyê Palû yê taxa Îskenderpaşayî yê Sûrî de amebi qetilkerdene, dabi kuçeyêk. Şaredarîye tabela de wina nuştbi: ”Hafiz Akedemîro ke Ozgur Gundem de xeberê derheqê cînayetanê faîl-î meçhulan de kerdêne hezîrana 1992î de hetê kesanê nênasan ra ame qetilkerdene.”
Qeyûmê Şaredarîya Amedî tabela arde war, nameyê Ozgur Gundemî tira vet û tabelaya Hafiz Akdemîrî cayêkê bînî de daliqnaye.
Gorê Hafiz Akdemîrî yo ke goristanê Sîsê yê qezaya Licê yê Amedî de menga hezîrane de maruzê hêrişî bibi û amebi texrîbkerdene. AMED
