Qeyûmê ku 220 milyon TL deyn xist stuyê şaredariyê, derket holê ku di sala 2018’an de tenê ji bo ‘amûr û alavên din’ 10 milyon û 380 hezar û 731 lîre û 51 qurîş pere xerc kiriye
HDP piştî hilbijartina 31’ê Adarê tiştên qeyûm anîne serê Şaredariya Cizîrê ya Şirnexê bi awayekî hurguliyane parve dike. Li gor lêkolînan, di sala 2018’an de ‘lêçûna mal û xizmetan’ 55 milyon û 469 hezar û 423 lîre û 7 qurîş pere hatiye xerckirin. Ji vî pereyî 36 hezar û 881 lîre û 36 qurîş ji bo ‘tiştên din’, 951 hezar û 876 lîre û 39 qurîş jî ji bo ‘malzemeyên qirtasiye, buro, ji bo xwarin û vexwarinê û êm’ hatiye xerckirin.
Her wiha di sala 2018’an de ji bo ‘kinc, malzemeyên şexsî’ 270 hezar û 138 lîre û 92 qurîş hatiye xerckirin. Ji bo ‘amûrên taybet’ milyon û 708 hezar û 943 lîre û 60 qurîş û ji bo ‘kirîna mal û xizmetên din’ bi giştî 10 milyon û 380 hezar û 731 lîre û 51 qurîş hatiye xerckirin. Di heman salê de ji bo ‘temsîl û danasînê’ 2 milyon û 354 hezar û 964 lîre û 28 qurîş hatiye xerckirin. Tenê di meha Adar û Nîsanê ya 2019’an de jî ji bo ‘temsîl, merasîm, fûar û organîzasyonê’ jî 91 hezar û 655 lîre û 82 qurîş hatiye xerckirin. Ji vî pereyî tenê 25 hezar lîre ji bo ‘amûrên ocaxa çay’ hatiye xerckirin. ŞIRNEX
