Mustafa Yaman ku wekî qeyûm tayînî Şaredariya Bajarê Mezin a Mêrdînê hat kirin beşdarî operasyona leşkerî ya di navbera Mêrdîn Şirnex û Êlihû bû û li qada operasyonê bi leşkeran re wêne kişand
Wezîrê Karên Hundir Suleyman Soylu, Waliyê Mêrdîne Mûstafa Yaman wekî qeyûm tayînî şaredariya Bajarê Mezin a Mêrdînê kir. Mustafa Yaman piştî wekî qeyûm hat ser şaredariya Bajarê Mezin a Mêrdînê tev li operasyona leşkerî bû. Mustafa Yaman, beşdarî operasyona leşkerî ya di navbera Mêrdîn Şirnex û Êlihê pêk hat de bû û li qada operasyonê bi leşkeran re wêne kişand. Midûrê Giştî yê Polîsan û Fermandarê Giştî yê Cendirmeyan jî tev li operasyonê bûn.
Rayedaran diyar kirin ku li herêmê bi tevlêbûna 10 tabur, 117 timên taybet operasyon dane destpêkirin. Dî wêneyê hatin parvekirin de Fermandarê Giştî yê Cendirmeyan Orgeneral Arîf Çetîn, Midûrê Giştî yê Polîsan Mehmet Aktaş, Qeyûm û Waliyê Mêrdînê Mustafa Yaman, Waliyê Êlihê Hulusî Şahîn, Waliyê Şirnexê Alî Hamza Pehlîvan, Fermandarê Cendirmeyan ê Herêma Amedê Tumgeneral Halîs Zafer Koç, Fermandarê Qereqola Yayvantepe ya Mîdyatê bi hevre li qada operasyonê wêne kişandin.
Bi vê yekê hêj di gava yekemîn a ku qeyum avêt de xwe da xuyakirin û ispat kirin ku dê bi çi awayî qirkirinekê li ser civaka kurd pêş bixe. Careke din hat dîtin û ispatkirin ku qeyûm qiqasî li dijî nirxê civakê tev diger û dagirgeriyê pêş dixe. MÊRDÎN
