Hevşaredarên Sîlopî Adalet Fidan û Suleyman Şavlûk diyar kirin ku wan şaredariya ku berê 11 milyon TL di qazeya wê de hebû, bi 133 milyon TL deyn ji qeyûm dewir girt. Hevşaredaran anîn ziman ku bi awayekî ku 19 dolim ersa şaredariyê hatiye firotin ji qeyûm dewir girtin
HDP’ê di hilbijartina 31’ê adarê de li navçeya Sîlopî ya Şirnexê ji sedî 73,1 deng stend û şaredarî qezenç kir. Di hilbijartinê ne namzetên HDP’ê Adalet Fîdan û Suleyman Şavlûk bûn hevşaredarên Sîlopiyê. Hevşaredarên Sîlopiyê yên hatin hilbijartin bi civîna çapemeniyê deynê ku qeyûm li pey xwe hiştiye bi raya giştî re parve kirin.
Hevşaredaran li avahiya Şaredariyê civîna çapemeniyê pêk anîn û bal kişandin ser deynê ku qeyûm li pey xwe hiştiye. Hevşaredar Adalet Fîdan diyar kir ku wan beriya hilbijartinê soz dabû gel ku hemû nelirêtî û talankirina qeyûm bi raya giştî re parve bikin û wiha got: “Dema qeyûm tayînî şaredariyê kirin 11 milyon 435 hezar TL di qasê de bû. Niha me şaredarî bi 133 milyon û 453 hezar TL deyn dewrî me kir. Piraniya deynê şaredariyê aydî Banka Bajaran e. Niha di qasa şaredariyê de tenê 118 hezar TL pere heye. Li gel deynê li pey xwe hiştiye li gel Navenda Piştevaniya Jinê 532 malên ku nayên veguheztin, bi giştî 19 hezar û 542,20 metrekare arsa şaredariyê dewrî Diyanet û Perwerdehiya Neteweyî kiriye.”
Fîdan da zanin ku ev yek ji bo rê li pêş kişandina krediyê bigire û xizmetê asteng bike kirine û wiha got: “Divê bi tu awayî mal û milkên şaredariyê yên nayên guheztin dewir nekin. Em ê şopdarê vê yekê bin.” ŞIRNEX
