13ê teşrîna peyêne ya 2019î de Hemşaredarê Yenîşehîrî yê Amedî wezîfe ra ameybî girewtene û herinda înan de Muart Beşîkçî sey qeyûm amebi tayînkerdene. Wextê hemşaredaran de Amedsporî rê qasê 54 hezar TKyî hetkarîya madîye amebî kerdene. Qeyûm Murat Beşîkçîyî bire daye ke na hetkarîya madîye seba ke ‘zerarê ci resa umûmîye’ apey bêra dayene.
Qeyûm Beşîkçîyî endamanê Meclîsê Şaredarîya Yenîşehîrî ra pê teblîxatêk waşt ke ê pere bidê. Endamanê Meclîsî vera teblîxatî nêrazîbîyayîşê xo mojna. Endamanê Meclîsî ra Ronda Bat îfade kerd ke şaredarîya ke pê îradeyê şarî amebî destvistene, hetê qeyûmî ra ameye xespkerdene û vat: ”Hetkatîyê ke ma dayî, binê nameyê ‘zerarê umûmîye’ de sey deyn ma rê erşawîyenê. Qeyûmo ke xo meşrû vîneno vano ke birê ma goreyê mewzuatî nîyê. Ma peyê biranê xo de yê û ma do heta peynî heqanê xo yê huqûqîyan bixebitnê.” AMED
