Artêşa tirkî şewa verên hêrîşo ke 10ê temmuze de bakurê qezaya Hênê ya Amedî de dabî destpêkerdene, peynî kerde. Ame zanayene ke leşkeran netîceyê sereştişê keyeyan û nuqtayanê cigêrayîşî de 693 kesa kontrolê GBTyî ra derbas kerdî
Artêşa tirkî 10ê temmuze de qezaya Hênê ya Amedî de dest bi hêrişanê hîrayan kerdbî. Ame vatene ke hêrişo ke artêşa tirkî dabî destpêkerdene, şewa verên saet 22.02î de peynî bîyo.
Goreyê malumatan xeylê yewîyê taybet, polîs û cendirmeyî zî hêrişan de ca girewtî û hêriş bi piştîya helîkopteran ame kerdene. Artêşa tirkî çarçeweya hêrişan de serê rayîranê şîyayîş û ameyîşî de nuqtayê cigêrayîşan rona û eşte xeylê keyeyan ser.
Ame vatene ke leşkeran netîceyê sereştişê keyeyan û nuqtayanê cigêrayîşî de leşkeran 693 kesa Kontrolê Malumatê Pêroyê (GBT) ra derbas kerdî. Sewbîna tena merdim nê wesayîtî zî kontrol ra ameyî derbazkerdene. AMED
