Ame îdîakerdene ke dewa Nerîbê Axo ya qezaya Hênê ya Amedî de cinîya bi nameyê Remzîye Yalçine bi tifingî întîxar kerda
Goreyê xeberan dewa Nerîbê Axo ya qezaya Hênê ya Amedî de cinîya bi nameyê Remzîye Yalçina ke emrê aye mabenê 18 û 19 serrî de yo întîxar kerda. Ame îdîakerdene ke Yalçine bi tifingê pîyê xo gule reşênaya pîzeyê xo û birîndar bîya. Yalçina ke birîndar bîye sere de wedarîyaye Nêweşxaneyê Qezaya Hênê û dima ra sewqê Nêweşxaneyê Fakulteya Unîversîte ya Dîcle ya Amedî. Yalçine rayîr de cuya xo vindî kerde.
Cenazeya Yalçine seba otopsî wedarîyaye morgê Nêweşxaneyê Fakulteya Tibî ya Unîversîteya Dîcleyê. Ame dîyarkerdene ke cenaze do badê otopsî dewa Nerîbê Axo de bêra definkerdene. AMED
