Vizêrna nata qezaya Kanîreşî ya Çewlîgî de vewre varena û ewro zî cayanê berzî de varayîşê vewre dewam kena
Her çiqas ke wisar bibo zî tesîrê aşmanê zimistanî û hewayo serd dewam keno. qezaya Kanîreşî ya Çewlîgî de vizîrna nata vewre varena û ewro zî cayanê berzî de varayîşê vewre dewam kena. Vewre merkezê Çewlîgî û qezayanê ci kerde sipî. Hemwelatîyê ke serê sibayî şîyî kar her çî ra ver wesayît û fekê berê dikananê xo pakî kerdî.
Tewr zêde citkar û kesê ke heywanan miqate kenî varayîşê vewre ra zaf tesîr benî. Dormeyê dewa Kargapazari ya Kanîreşî de varayîşê vewre dewam keno. Şivano ke tewrê garanê xo pukî de mend, qala zehmetîyan kerd. Şivan dîyar kerd ke emserr heywankarî xeylê zehmetin bî û hetê arêdayîşê simerî de xeylê zehemtî antî. Şivan da zanayene ke her çiqas ke wisar bibo zî têkoşînê înan yê vera vewre hema zî dewam keno. ÇEWLÎG
