Destpêkerdişê zimistanî ra nata qezaya Kanîreşî ya Çewlîgî de varayîşê vewre nêvindeto.
Emserr xeylê bajaranê Kurdistan û Tirkîye de vewra zêde varîya û tay cayan de varayîş hema zî dewam keno. Nê cayan ra yew zî qezaya Kanîreşî ya Çewlîgî yo. Destpêkerdişê zimistanî ra nata qezaya Kanîreşî ya Çewlîgî de varayîşê vewre nêvindeto. Qezaya Kanîreşî de 2 aşmîyo ke varayîşê vewre nêvindeto û dergîya vewre ca-cayan de resaya 3 metreyan. Xeylê keye zî binê vewre de mendî û nêasîyenî.
Rayîrê dewê ke qeymeqam Levent Yetginî şono abenî, labelê sewbîna rayîrî terkê qederê xo yenî kerdene. Şaredarî ge-ge merkezê qeza de xebatan kena û hemwelatîyî hewl danî ke dormeyê keye û serê bananê xo vewre ra pakî bikerî. ÇEWLÎG
