Navenda Nûçeyan |
Endamê Lijneya Asayîş û Parastinê ya Parlamentoya Iraqê Bedir Ziyadî derbarê rapora lijneya lêkolînê ya dagirkeriya dewleta tirk de ji Ajansa Rojnewsê re axivî.
Bedir got ku di rapora lijneyê de sûcên dewleta tirk a dijî xelkê sivîl û başûrê Kurdistanê heye û diyar kir ku sûcên Amerîkayê yên li dijî Heşdî Şeebî jî di raporê de cih digirin.
Dê rapor radestî aliyên berpirsyar bê kirin
Bedir ragihand ku dê raporê ji bo Serokwezîrê Iraqê Mistefa Kazimî, Serokkomarê Iraqê Berhem Salih û Serokê Parlamentoya Iraqê bişînin û wiha got: “Ji bilî vê beşek ji aliyên siyasî yên nîştimanî di peywendiyên xwe de, ji bo ku hikûmet dijî dagirkeriya dewleta tirk û Amerîkayê rawestin, zextê dikin. Hêzên dagirker ên Tirkiyeyê, li Herêma Kurdistanê operasyonan lidar dixin, ez bang li rêxistinên mavên mriovan dikim da ku êrîşan bibînin.”
Hêjayî gotinê ye di serê meha hezîrana 2021’an de li ser birîn û talankirina xwezaya Kurdistanê ya ji aliyê dewleta tirk ve, lijneyek hevbeş ya Parlamentoya Iraq û başûrê Kurdistanê serdana herêmên hatine dagirkirin kiribûn.
