Qezaya Şaxî ya Wanî de Servet Turgut û Osman Şîban helîkopterî ra erzîyabî war. Têkoşînê 20 rojan ra dima Servet Turgutî nêweşxane de dinyaya xo bedilnabi. Derheqê na barbarîye de walîtîye eşkerayîye dabi û vatbi ‘Dewijî kendalî ra ginayî warî ro.’ Raporê Osman Şîbanî de zî vatişê ‘helîkopterî ra ginayo war’ ca girewtbi.
Wexto ke Servet Turgut wedarîyabi nêweşxane hîşê ci şibi coka îfadeyê ci nêamebi girewtene. No serebût sey ‘kendalî ra ginayo war’ amebi qeydkerdene. Raporê Turgutî de 11ê êlula 2020î de dîyabi zanayene ke caeyêkê berzî ra ginayo war û vatişêko zelal nêamebi kerdene.
Dima ke walîtîye vat ‘kendalî ra ginayo war’ Nêweşxaneyê Perwerdeyî û Cigêrayîşî yê Wanî derheqê Servet Turgutî de 30ê êlula 2020î de raporêk amade kerd ke rapor de wina nusîyeno; ‘Kendalî ra ginayo war.’ WAN
