Zarokê bi navê Y.Ş diyar kir ku ji ber diçe avahiya HDP’ê kesên xwe wekî polîs didin naskirin gefan li wî dixwin û her tim tê şopandin
Zarokê bi navê Ş.Y. yê ku li Wanê dijî diyar kir ku ji ber diçe HDP’ê rastî gefan tê û tê şopaddin.
Ş.Y. anî ziman ku kesên xwe wekî polîs didin naskirin gefan li wî dixwin û ji bo nece avahiya HDP’ê ya Wanê te hişyarkirin. Ş.Y. diyar kir ku ew êdî ji şopandin û hişyarkirina polîsan bezar bûye û wiha got: “Bi telefonê li bavê min jî geriyan e. Kesên li min geriyan gotin ‘Tu çima diçe HDP’? Tu li HDP’ê çi dikî? Tu bi serokê HDP’ê re çi diaxive? Rojên borî ji bo mihrîcanê çûm Cizîrê. Ji bo wê li bavê min jî geriyan. Gotin ‘Kurê te çûye Cizîrê. Karên dijzagonî dikin. Li pêş kurê xwe bibin asteng.’ Bavê min jî got ‘Min destûr da ku kurê min biçe Cizîrê. Ez dizanim diçe HDP’ê.’ Piştre ji bavê min re gotine ‘Ger ku careke din kurê de biçe HDP’ê û tev li daxuyaniyan bibe em ê wî binçav bikin’ û gef xwarin.”
Her wiha Ş.Y. da zanîn ku li her derê wî dişopînin û dê têkildarî mijarê serlêdana sûc bike û got ku dê ji bo alîkariya hiqûqî serî li ÎHD’a Wanê bide. WAN
