Nûnerê Taybet ê DYE’yê yê ji bo Sûriyeyê James Jeffrey li Tirkiyeyê, Fermandarê Hêzên Navendî yên DYE’yê Kenneth McKenzie jî li Rojavayê hevdîtinan pêk tînin
Nûnerê Taybet ê DYE’yê yê ji bo Sûriyeyê James Jeffrey bi vexwendina hikûmeta AKP’ê çû Enqereyê û dest bi hevdîtinan kir. Jeffrey dê îro û sibe bi rayederên hikûmetê re hevdîtinan bike.
Di heman demê de Fermandarê Hêzên Navendî yên DYE’yê (CENTCOM) Orgeneral Kenneth McKenzie jî li Rojava dest bi hevdîtinan kir.
McKenzie jî li Hesekê bi Fermandarê Giştî yê Hêzên Sûriyeya Demokratîk (QSD) Mazlûm Ebdî re hevdîtin kir. Tê gotin ku Ebdî û McKenzie der barê bûyerên li sînor axivîne.
Ebdî hişyarî dabû
Fermandarê Giştî yê HSD’ê Mazlûm Ebdî beriya çend rojan hişyarî dabû ku ger Tirkiye êrîşî devereke bakur û rojhilatê Sûriyeyê bike dê ev yek veguhere şerekî mezin.
