Şirnex û Riha de semedê azadîya Rayberê Şarê Kurdî Abdullah Ocalanî Rayraşîyayîşê Azadîye yê vera Gemlîkî dest pêkerd.
Rayraşîyayîş serkêşîya KCD, TJA, DBP, MED TUHAD-FED, MEBYA-DER û HEDEPî de yeno kerdene. Rayraşîyayîşo ke do xeylêk bajaran ra ver bi Gemlîkî bêro kerdene, Riha û Şirnex de dîya destpêkerdene. Wekîlê HEDEPî Mehmet Zekî Îrmez zî tede şar verî ke bikewo rayîr eşkerayîye daye.
Eşkerayîye de bale ameye antene tecrîdê giranî yê serê Abdullah Ocalanî ser û ame vatene ke vera nê hemle dîyaye destpêkerdene. Eşkerayîye de nê ameyî vatene: ”Ma do sey Botanî verê xo bidê Îmralayî. Rayraşîyayîşê ma do Amed de dest pê bikero. waştişê ma oyo ke wa heme rêxtistinê demokrasî, hetê demokratîkî tewrê nê rayraşîyayîşî bibê ke wa tecrîd helêke cuwa ver bêro şiknayene. Semedê azadîye û haştîye ma ver bi Gemlîkî rayra şinê.”
Badê eşkerayîye sloganê sey “Bê Serok jiyan nabe” “Tecrîdî rê nê” ameyî vatene. Dima ra wesayîtî kewtî rayîr. Rayraşîyayîş do Mêrdîn û Amadî ser o dewam bikero.
Riha de zî şero ke tewrê Rayraşîyayîşê Azadîye beno Curnê Reşî de ame têhet. Rayraşîyayîşo ke hetê HEDEPî ra ame organîzekerdene bi slogananê “Bijî Serok Apo” û “Bê Serok Jiyan nabe” ver bi Amedî dest pêkerd.
