Colemêrg de vera destsernayîşê şaredarîye DEM Partî 13ê hezîrene de do bi şîarê ”Şaredarîyî yê ma yê, ma destûrê destsernayîşî nêdanê” mîtîng bêro kerdene. Verê mîtîngî qezaya Şemzînan de Rayraşîyayîşê Demokrasîyî vizêr dîyabi destpêkerdene.
Rayraşîyayîş serkêşîya KCD, HDK, DEM, TJA, DBP, Îtîfaqê Kede û Azadîye û Rêxistinanê Komelê Sîvîlî de yeno kerdene.
Ewro rayraşîyayîş Geverî ra dewam kerd. Girsey verê bînaya DEM Partî de ame pêser. Tîya de Hemsereka DBPyî Çîgdeme Kiliçgun Uçar û wekîlî zî tewrê rayraşîyayîşî bîyî.
Rayraşîyayîş de sloganê sey ”Jin, Jiyan, Azadî”, ”Qeyûm def be” û ”Bijî Berxwedana Colemêrgê” ameyî vatene.
Hemsereka DEM PArtî ya Colemêrgî Humeyra Armut venga şaran da ke wa paştî bidê xoverdayîşê înan.
Wekîlê DEM Partî Serhat Erenî îfade kerd ke 8 rojî yo ê vera xespkerdişî payan ser de yê û vat: ”Na mesele demokrasîyê Tirkîya eleqedar kena. Coka ganî her kes paştî bido rayraşîyayîşê ma. Heta ke xespkerdiş biqedo ma çalakîye de yê. Wa her kes destê ci ra çi bêro bikero.”
Girse ver bi qezaya Çelê şino.
