Rayraşîyayîşê Azadîye yo Pîl seba azadîya Rayberê Şarê Kurdî Abdullah Ocalanî û çareserîya meseleya kurdan 1ê sibate de Wan û Qersî ra dîyabi destpêkerdene û ewro dewa Ocalanî Amara de do biqedo.
Raywanê Azadîye serê sibayî resayî qezaya Pirsûsî ya Riha. Raywanî tîya de bi slogananê “Azadiya Serok azadiya gelan e”, “Silav ji Îmraliyê re hezar silav”, “Bi can bi xwîn em bi te re ne ey Serok” û “Bê Serok jiyan nabe” hetê şarî ra ameyî pêşwazîkerdene.
Wekîlê DEM Partî Omer Ocalanî şarî rê qisey kerd û vat: “Ewro seba ma rojêka reş a. Birêz Ocalan bi komployî teslîmê Tirkîya amebi kerdene. 25 serrî yo vera Birêz Ocalanî tecrîd yeno kerdene û 3 serrî yo ey ra xeberêke nêna girewtene. Ma seba azadîya ey kewtî nê rayîrî. Ewro ra pey ma do rayraşîyayîşê xo pîl bikerê. Şarê ma vano ke bi têgêrayîşêkê hemparî do tecrîdî bişikno. Şarê ma zaneno ke eke Birêz Ocalan qisey bikero haştîye do bêra.” RIHA
