Gulîstan Doku ya ke wendekara Perwerdeyê Domanan ê Unîversîteya Munzurî bîye û 5ê çeleyî ra nata tira xeberêke nêna girewtene dîmenê ci yê peyênî vejîyayî meydan
Dêrsim de seba Gulîstan Doku (21) ya ke wendekara Perwerdeyê Domanan ê Unîversîteya Munzurî bîye û 5ê çeleyî ra nata vînbîyaye ya xebatê cigêrayîşî dewam kenê. Dîmenê Gulîstan Doku ya ke 5ê çeleyî ra nata tira xeberêke nêna girewtene vejîyayî meydan. Mewkîyê Pirê Dinar û dormeyê Gola Awbendê Uzunçayî de reçeteyê nêweşxane o ke nameyê Gulîstan Doku ser de nuştebî û makaso ke embazanê xo ra girewtebî vejîyayî meydan û herême de xebatê vînayî zêdîyayî. Vînayîşê reçete hetê keyeyî ra ame tesdîqkerdene û materyalê ke ameyî vînayene seba cigêrayîşkerdişî erşawîyayî krîmînal.
Dîmenan de yeno dîyene ke Gulîstane verê kafe de ke Zaînal Abarakov tede xebitîyeno ey reyde qisey keno û dima zî derbazê hetê bînî ya rayîrî bena û cinişena mînîbusêke û şina. DÊRSIM
