Hêzên rejîma Îranê li Gundê Balesorê yê Bazîda Agirî li ser welatiyan gule reşandin. Rejîma Îranê di gulebaranê de Haşem Tilaver kuşt û 4 ciwan jî binçav kirin
Li aliyekî dewleta tirk li aliyê din jî rejîma Îranê li kurdan hatine xezebê. Kurdên li ser sînor ên ku bi bazirganiyê debara xwe dikin rastî êrîşên herdu dewletên dagirker tên. Di haman rojê de li Colemêrgê ciwanê bi navê Vedat Ekîncî ji aliyê dewleta tirk ve hat qetilkirin û li Bazîda Agiriyê jî ciwanê bi navê Haşem Tilaver ji aliyên rejîma Îran û Tirkiyeyê ve hatin kuştin.
Hêzên rejîma Îranê li ser sînorê navbera Bazîda Agiriyê û Îranê li 5 ciwanên Gundê Belasorê yê Navçeya Bazîdê ya Agiriyê gule reşandin. Li gorî çavkaniyên herêmî, şevê din dema 5 ciwanên bazirganiya sînor dikirin û xwestin ji Îranê derbasî Tirkiye bibin, hêzên rejîma Îranê li ser wan gule reşandine. Di êrîşa rejîma Îranê de ciwan Haşem Tilaver bi giranî birîndar bû. Haşem Tilaver bi saetan li erdê ma û ji ber zêde xwîn winda kir jiyana xwe ji dest da. Ambulansa ji Gundê Qelenî hat ciwanê birîndar rakir nexweşxaneyê. Lê Tilaver di rê de jiyana xwe ji dest da. Rejîma Îranê ciwanên bi navê Yunus Tilaver, Samet Tilaver, Yusuf Yîgît û Nevzat Yîgît jî binçav kirin û birin qereqalên Îranê. AGIRÎ
