Welatiyê bi navê Ehmed Îranî ku ji rojhilatê Kurdistanê bû û bi îdiaya ‘kuştina kesekî’ dihat tewanbarkirin, îro di danê sibehê de li bajarê Sineyê hate bidarvekirin. Îranî demek berê li dijî biryara bidarvekirinê, dev û çavê xwe dirûbû
Zilm û zordariya rejîma Îranê ya li ser gelê kurd bênavber didome. Rejîma Îranê ku hema hema rojane bi hincetên ‘siyasî û civakî’ ciwanên kurd digire, wan bidarve dike. Niha jî welatiyekî kurd ku di sala 2012’an de bi tewana kuştina kesekî hatibû girtin, îro bi darve kir.
Têkildarî mijarê Dezgeha Mafên Mirovan a Hengaw daxuyaniyek da û ragihand ku welatiyê kurd ê bi navê Ehmed Îranî îro di danê sibehê de li Girtîgeha Sine ya rojhilatê Kurdistanê hate bidarvekirin.
Hêjayî bibîrxistinê ye ku Ehmed Îranî di sala 2012’an de bi tewana ‘kuştina kesekî’ hatibû girtin û bi cezayê bidarvekirinê dihat darizandin. Demek berê jî Îranî agahî girtibû ku dê bê bidarvekirin. Li hemberî vê biryarê, Îranî çav û devê xwe dirûbû.
