Navenda Nûçeyan |
Li gorî agahiyên Komeleya Mafê Mirovan a Kurdistanê (KMMK) duh 2 kolber ên bi navê Îskender Mihemed ê 35 salî yê niştecihê gundê Bestê yê girêdayî herêma Pişder a başûrê Kurdistanê û Ebûbekir Mihemedî ê 36 salî xelkê gundê Goreşîr a girêdayî bajarê Serdeşt yê rojhilatê Kurdistanê ji ber gulebaran hêzên rejîma Îranê ketin nava rûbarê û xeniqîne.
KMMK’ ragihand ku her 2 kolber dema di navbera gundên Goreşîr ên Serdeştê û Şênê ya Piştder re derbas dibin, ketin kemîna hêzên rejîma Îranê û gule li wan hate reşandin, ji ber wê her 2 kolber ketin nava rûbarê Qasimreş û xeniqîn.
Her wiha KMMK’ê diyar kir ku termê yek ji wan kolberan hatiye dîtin û yê din hê jî ne diyar e.
