Girtiya siyasî ya Kurd Zeynep Celaliyan a ku cezayê heta hetayê lê hatiye birîn û ev 17 sal in girtî ye, bi fermana Wezareta Enformasyonê mafê wê yê ku malbat serdana wê bike hat redkirin. Zeynep Celaliyan ku beriya 4 salan birin girtîgeha Yezdê û tenê carekê karîbû malbata xwe bibîne.
Li gorî Tora Mafên Mirovan a Kurdistanê, Zeynep Celaliyan destpêka hefteyê ji bo dîtina malbata xwe daxwaz kir, lê belê rayedarên girtîgehê ragihand ku bi fermana Wezareta Enformasyonê serdan hatiye qedexekirin. Malbata Celaliyan ku ji bo dîtina keça xwe ji Makû çû Yezdê bêyî ku serdanê bike vegeriya.
Zeynep Celaliyan ku hefteya derbasbûyî rakirin nexweşxaneyê, li gel îtirazan jî dermankirina bi kelepçeyan lê hate ferzkirin, ji ber ku li ber vê yekê rabû, nehate dermankirin.
