Siyasetmedar Payman Galvanî (24) ku di 25’ê hezîranê de ji aliyê hêzên rejîma Îranê ve hatibû binçavkirin, di hucreyeke yekkesî ya li Navenda Binçavkirinê ya Daîreya Îstixbaratê ya Urmiyeyê bi îşkenceyê hat kuştin. Hat diyarkirin ku di dema binçavkirinê de nehatiye hiştin ku Galvanî hevdîtinê bi malbata xwe re bike.
Li gundê Pasavî yê bajarê Pîranşarê siyasetmedar Mûsa Esmaîlî (35) jî di 8’ê tîrmehê de ji ber îşkenceya li Daîreya Îstixbaratê ya Urmiyeyê hatibû kuştin. Esmaîlî di 7’ê Gulanê de ji ber xebatên xwe yên siyasî hatibû binçavkirin û paşê hevdîtin bi malbata xwe û parêzerên xwe re kiribû. Rejîmê nehiştibû ji bo Esmaîliyê bi îşkenceyê hatibû kuştin li mizgeftê merasîma cenaze bê lidarxistin.
Li gor daneyên Rêxistina Mafên Mirovan a Hengawê, di 6 mehên ewil ên meha 2023’yan de ji aliyê rejîma Îranê ve 13 jê kurd 20 girtî li girtîgehê bi îşkenceyê hatine kuştin.
Her wiha li gor Hengawê ji sala 2020’an heta niha li navendên îstixbaratê yên rejîmê herî kêm 20 kurd hatine kuştin.
