Wezîrê Parastinê yê Sûdanê Avad Muhammed Ahmed Bîn Avf bi daxuyaniyekê ragihand ku Konseya Bilind a Leşkeriyê dest daniye ser rêveberiya Sûdanê û dê 2 salan welat birêve bibe. Di heman demê de wezîrê parastinê diyar kir ku Beşîr hatiye girtin
Li dijî dîktator Omer El Beşîr ku bi derbeyeke leşkerî rêveberiya dewleta Sûdanê xistibû bin kontrola xwe, bi sedhezaran welatiyên Sûdanê bi rojane li kolanan çakakiyên protestoyî li dar dixin. Di danê sibehê de jî artêşa Sûdanê mudaxaleyî rewşê kir.
Têkildarî mijarê Wezîrê Parastinê yê Sûdanê Avad Muhammed Ahmed Bîn Avf bi daxuyaniyekê ragihand ku Omer El Beşîr hatiye girtin. Wezîrê parastinê da zanîn ku hikûmeta Beşîr û rêveberiyên herêmî jî hatine feshkirin û konseya leşkerî ya ku hatiye avakirin dê 2 salan Sûdanê birêve bibe. Di heman demê de 3 mehan jî Rewşa Awarte hate ragihandin.
Di heman demê de piştî têkçûna Omer El Beşîr ku 30 sal in desthilatdar bû, Servîsên Îstîxbaratê û Ewlekariya Navxweyî ragihand ku hemû girtiyên siyasî hatine berdan.
